भारत की संस्कृति के लिए... भाषा की उन्नति के लिए... साहित्य के प्रसार के लिए
मोटी भूल सिकारो / कन्हैया लाल सेठिया
Kavita Kosh से
आशिष पुरोहित (चर्चा | योगदान) द्वारा परिवर्तित 16:57, 21 जनवरी 2015 का अवतरण ('{{KKGlobal}} {{KKRachna |रचनाकार=कन्हैया लाल सेठिया |अनुवादक= |संग...' के साथ नया पृष्ठ बनाया)
आखै भारत में है सगळा
पैंसठ कोड़ निवासी,
भाग आठवों आबादी रो
राजस्थानी वासी,
अतै बडै जनमळ री मायड़
भासा राजस्थानी,
नहीं मानता इण नै दी आ
लोकतंत्र री हाणी,
लाखां में ही गिणती, बां री
भासा नै जद मानी,
म्हां स्यूं कांई बैर, करी थे
इंयां किंयां मनमानी ?
भासा कोनी रमत जकी नै
चावै जिंयां भुजाणी,
आ आतमा रो धरम, देह नै
जिंयां बायरो पाणी,
सुणो बगत रो हेलो मिनखां
मोटी भूल सिकारो,
फेर आठवीं सूची में थे
सावळ करो सुधारो !
