भारत की संस्कृति के लिए... भाषा की उन्नति के लिए... साहित्य के प्रसार के लिए
मून / राजू सारसर ‘राज’
Kavita Kosh से
आशिष पुरोहित (चर्चा | योगदान) द्वारा परिवर्तित 17:50, 28 जनवरी 2015 का अवतरण ('{{KKGlobal}} {{KKRachna |रचनाकार=राजू सारसर ‘राज’ |अनुवादक= |संग्र...' के साथ नया पृष्ठ बनाया)
म्हारौ मून
नीं है समरपण
है पण थारै
सैंग सुवालां रो पडूतर
मिंदरा-गिरजां में पराथना
गुरदवारै में अरदास
मसीत में दुआ
है स्सौ कीं
म्हारो मून।
थारी अणचावी
बातां रै खिलाफ
म्हारै मूक सबदां रो विद्रोह
हियै भर संकळप
परण पूरवा री अभिलाखा
बादळां भांत
छायौड़ै उमाव रो धीजौ
अंतस री पीड़ नैं
पी जावण
संवेदणा नै सै’लावण री
अभिलाखा
सरस जीवण री परिभासा
थानैं नीं सुणाीजै
नीं सरी
मै’सूस तो
कर ई सकै
मून सबद।
बता, थनैं
कांई चाहिजै?
म्हारो मून है
थारै सैंग सुवालां
रो पडूतर।
