भारत की संस्कृति के लिए... भाषा की उन्नति के लिए... साहित्य के प्रसार के लिए
म्हारी आत्मकथा / राजू सारसर ‘राज’
Kavita Kosh से
आशिष पुरोहित (चर्चा | योगदान) द्वारा परिवर्तित 13:36, 29 जनवरी 2015 का अवतरण ('{{KKGlobal}} {{KKRachna |रचनाकार=राजू सारसर ‘राज’ |अनुवादक= |संग्र...' के साथ नया पृष्ठ बनाया)
क्यूं लिखणौं चावै
थूं म्हारी आत्मकथा
इणनै फंफैड़ दी
बगत रा फंफैड़ां
महंगाई अर मरजादाहीणैं
मिणखपणै री रूळ-पटी रै
धक्कै चढ’र
डांडी भूल’र
डाफाचूक होयगी
म्हारी आत्मकथा
आंटा-टूंटा
लीक-लिकोळिया जूण रा
जका म्हूं
अबखा-सबखा जी लिया
जै अैक ई
लीकटी सीधी होंवती
तो स्यात
म्हारी कोई दिसा होंवती
दिसा बायरो मिणख पण
कद कठै’ई जावै
भिचभैड्यां खाय’र
पाच्छौ सागी ठौड़ ई आ पूगै।
