भारत की संस्कृति के लिए... भाषा की उन्नति के लिए... साहित्य के प्रसार के लिए
तू अर म्हैं / संजय आचार्य वरुण
Kavita Kosh से
आशिष पुरोहित (चर्चा | योगदान) द्वारा परिवर्तित 22:50, 25 फ़रवरी 2015 का अवतरण
कदे कदे
तू लागै है म्हनै
बीज गणित रै
किणी उलझ्योड़ै
सवाल री भांत
जिण ने म्हैं
घणी ताळ सूं कर रह्यौ हूँ
सुळझावण री कोषिष।
कदे कदे
तू लागै है म्हनै
किणी अणजाणी भासा रै
एक सबद री भांत
अर म्है सुनसान
अर सरणाट पुस्तकालय में
किताब्यां रै ढेर में बैठ्यौ
सोध रह्यौ हूँ थारो अरथ।
कदे कदे
तू लागै है म्हनै
एक उफणतै समदर री
एक लैर री भांत
अर म्हैं एक किनारौ
कणै तू म्हारै
घणौ नैड़ौ
कणै ई खासौ दूर।
