भारत की संस्कृति के लिए... भाषा की उन्नति के लिए... साहित्य के प्रसार के लिए
थारै पछै (8) / वासु आचार्य
Kavita Kosh से
आशिष पुरोहित (चर्चा | योगदान) द्वारा परिवर्तित 16:31, 26 फ़रवरी 2015 का अवतरण ('{{KKGlobal}} {{KKRachna |रचनाकार=वासु आचार्य |संग्रह=सूको ताळ / वास...' के साथ नया पृष्ठ बनाया)
रात रै - अबोला पळां मांय
साच हो -
जको थारो साथ
खाली आधा अधूरा सुपना
अर यादगार रो सैचन्नण
हुय रैयग्यौ है
जकै रो
नीं तो कोई अकार है
अर नीं ई कोई अवाज
गूंग-म्हारै मांय
छायगी है जकी
सबदां रै
कस्तीवाड़ै सूं नीं है
उण रै आधै अधूरै
निसरतै अरथ सूं है
जिणरो सुवाद लैवणो‘ इज
रैयग्यौ है अरथ
थारै पछै
था..रै...पछै
