भारत की संस्कृति के लिए... भाषा की उन्नति के लिए... साहित्य के प्रसार के लिए
जिन्दगी बन मोमबत्ती जल रहल / सूर्यदेव पाठक 'पराग'
Kavita Kosh से
सशुल्क योगदानकर्ता ३ (चर्चा | योगदान) द्वारा परिवर्तित 13:42, 30 मार्च 2015 का अवतरण
जिन्दगी बन मोमबत्ती जल रहल
ताप से हर रोज तन बा गल रहल
लोग के दिल ठेठ रेगिस्तान बा
आसरा भ्रम में लगावल पल रहल
बात के एतबार से जल्दी बहुत
लोग डेगे-डेगे बाटे छल रहल
काम से अपने भुलाइल बा सभे
हर मुसाफिर मौज में बा चल रहल
पाँव पर जे खुद खड़ा ना हो सकल
आज तक बा हाथ आपन मल रहल
नेकदिल इन्सान भइलो बा बुरा
जान पवलीं देर से, ई खल रहल
