भारत की संस्कृति के लिए... भाषा की उन्नति के लिए... साहित्य के प्रसार के लिए
डागदर रो घर / निशान्त
Kavita Kosh से
आशिष पुरोहित (चर्चा | योगदान) द्वारा परिवर्तित 15:42, 9 मई 2015 का अवतरण ('{{KKGlobal}} {{KKRachna |रचनाकार=निशान्त |अनुवादक= |संग्रह=आसोज मा...' के साथ नया पृष्ठ बनाया)
अेक डागदर रै घरै म्हे
दिनूगै सात-आठ बजी
नांनियो दिखावण गया
बारै भारी काढती बाई
म्हानै बतायो कै
सा‘ब न्हावै
गरदै स्यूं बचण सारू
म्हे कमरै मांय आय‘र बैठ्या
बठै अंधेरो हो
खिड़क्यां-रोशनदानां मांय
ठूंस्या पड़्या हा अखबार
उडीक मांय
बैठ्यै रै मेरै
खाग्या माच्छर
पड़दै रै लारै आंगण मांय
आवै ही कींनै ई धांसी
सुण‘र
ठणक्यो मेरो माथो ।
