भारत की संस्कृति के लिए... भाषा की उन्नति के लिए... साहित्य के प्रसार के लिए

बजार / जय नारायण त्रिपाठी

Kavita Kosh से
Neeraj Daiya (चर्चा | योगदान) द्वारा परिवर्तित 21:44, 23 जनवरी 2016 का अवतरण ('{{KKGlobal}} {{KKRachna |रचनाकार=जय नारायण त्रिपाठी |संग्रह= मंडाण...' के साथ नया पृष्ठ बनाया)

(अंतर) ← पुराना अवतरण | वर्तमान अवतरण (अंतर) | नया अवतरण → (अंतर)
यहाँ जाएँ: भ्रमण, खोज

आ दुनिया एक बजार!
जठै आपां बेचां हां खुद नैं,
कीं और पावण खातर।
खुद नैं बेचा हां, नरा ई रूप में, नरी जग्या ।
बेच सकां खुद नैं,
खुद का मांयला मनख नैं,
पण कदी खुद, खुद नैं कांई नीं खरीद सकां?
 
आ दुनिया एक बजार!
जठै आपां मोल लेवां नरी चीजां,
आपणा टैम, आपणा सुपना
अर आतमा नैं बेच-
वै चीजां, जकी बिना ई चाल सकतो हो आपणो जीवण!
आखी दुनिया मोल लेणो चावां हां, पण
कदी ई मोल लेबा की इच्छा नैं कांई नीं बेच सकां?

आ दुनिया एक बजार!
जठै बिकै है, घर-गवाड़ी, मकान-दुकान
गाडी-घोड़ा अर प्रेम;
कदी कम मोल में, अर कदी बत्ता में-
बेचा हां, आपणै बाळपणै नैं
जवानी खातर
अर जवानी नैं बूढापा खातर
सब कर सकां, पण
ईं बजार में वैपार का बना कांई नीं जी सकां?