बजार / जय नारायण त्रिपाठी

आ दुनिया एक बजार!
जठै आपां बेचां हां खुद नैं,
कीं और पावण खातर।
खुद नैं बेचा हां, नरा ई रूप में, नरी जग्या ।
बेच सकां खुद नैं,
खुद का मांयला मनख नैं,
पण कदी खुद, खुद नैं कांई नीं खरीद सकां?

आ दुनिया एक बजार!
जठै आपां मोल लेवां नरी चीजां,
आपणा टैम, आपणा सुपना
अर आतमा नैं बेच-
वै चीजां, जकी बिना ई चाल सकतो हो आपणो जीवण!
आखी दुनिया मोल लेणो चावां हां, पण
कदी ई मोल लेबा की इच्छा नैं कांई नीं बेच सकां?

आ दुनिया एक बजार!
जठै बिकै है, घर-गवाड़ी, मकान-दुकान
गाडी-घोड़ा अर प्रेम;
कदी कम मोल में, अर कदी बत्ता में-
बेचा हां, आपणै बाळपणै नैं
जवानी खातर
अर जवानी नैं बूढापा खातर
सब कर सकां, पण
ईं बजार में वैपार का बना कांई नीं जी सकां?

कविता कोश रंगोली

रचनाकारों की सूची

टाइपिंग टूल्स

फ़ॉन्ट परिवर्तक

विधाएँ

संकलन

अनुवाद

काल-आधारित

लोकगीत

विषय

प्रादेशिक कविता कोश

अन्य महत्त्वपूर्ण पन्ने

दिक्चालन सूची

दर्शाव

वैयक्तिक औज़ार

बजार / जय नारायण त्रिपाठी

» संकलन

» अनुवाद

» विभाग

» प्रादेशिक कविता कोश

» अन्य महत्त्वपूर्ण पन्नें

खोज

साधन पेटी

इस पन्ने को शेयर करें

हमसे जुड़ें

कविता कोश

सर्वर होस्टिंग