भारत की संस्कृति के लिए... भाषा की उन्नति के लिए... साहित्य के प्रसार के लिए
अंग महिमा / संवेदना / राहुल शिवाय
Kavita Kosh से
Rahul Shivay (चर्चा | योगदान) द्वारा परिवर्तित 23:38, 12 मई 2016 का अवतरण ('{{KKGlobal}} {{KKRachna |रचनाकार=राहुल शिवाय |अनुवादक= |संग्रह=संव...' के साथ नया पृष्ठ बनाया)
ई बलि पुत्र सम्राट अंग के
भूमि अंग महान छिकै |
दधिवाहन, रोमपाद, श्रृंगी
ई नचिकेता के जन्म भूमि
ई परशुराम, ई विश्वामित्र
ई अष्टावक्र के कर्म भूमि
ई राहुल भद्र के भूमि छै
हिंदी के जन्म स्थान छिकै
ई बलि पुत्र सम्राट अंग के
भूमि अंग महान छिकै |
छै बहै जहाँ कोशी-गंगा
कात्यायनी के स्थान जहाँ
जयमंगला देवी के भूमि
छै पापहरणी वरदान जहाँ
ई सागर मंथन करै वला
मंदाराॅे के स्थान छिकै
ई बलि पुत्र सम्राट अंग के
भूमि अंग महान छिकै |
छै सियाराम, तिलकामांझी
बलिवेदी के बलिदान जहाँ
दिनकर, रेणु रँ पुत्रो के छै
साहित्यिक अवदान जहाँ
ई महादानी उ सुर्य पुत्र के
कर्मभूमि स्थान छिकै
ई बलि पुत्र सम्राट अंग के
भूमि अंग महान छिकै |
रचनाकाल - 23 सितम्बर 2010
