भारत की संस्कृति के लिए... भाषा की उन्नति के लिए... साहित्य के प्रसार के लिए
तोरोॅ साथ रहेॅ जों हरदम / चन्द्रप्रकाश जगप्रिय
Kavita Kosh से
Rahul Shivay (चर्चा | योगदान) द्वारा परिवर्तित 04:30, 25 मई 2016 का अवतरण ('{{KKGlobal}} {{KKRachna |रचनाकार=चन्द्रप्रकाश जगप्रिय |अनुवादक= |स...' के साथ नया पृष्ठ बनाया)
प्राणप्रिया, छौं वास कहाँ नै !
तोरोॅ सुधि के रास कहाँ नै !
सरिता के कलकल-छलछल में
भोरकोॅ हवा सरस चंचल में
सँझकी बेला में रहस्य छोॅ
तेॅ, सुगन्ध रं छोॅ शतदल में
सुधिये में नै; साधो तक में
तोरोॅ छौं आभास कहाँ नै ।
प्राणप्रिया छौं वास कहाँ नै !
जेठोॅ में तोहीं तेॅ तरसौ
सौनोॅ में तोहीं तेॅ बरसौ
तोंही शिशिर बनी तड़पावौ
की वसन्त; बिन ओकरौ सरसौ ।
तांही गिरि-वन में झलकै छोॅ
तोरा ई उल्लास कहाँ नै !
जप-तप योग जहाँ तक देखौं
तोरोॅ रूप वहाँ तक देखौं
जत्तेॅ दूर नजर हमरोॅ जाय
तोरोॅ रूप तहाँ तक देखौं ।
सब तोरे जादू सें बंधलोॅ
तोंही दूर आ पास कहाँ नै !
