भारत की संस्कृति के लिए... भाषा की उन्नति के लिए... साहित्य के प्रसार के लिए
प्रेम सही में सब में पावन / चन्द्रप्रकाश जगप्रिय
Kavita Kosh से
Rahul Shivay (चर्चा | योगदान) द्वारा परिवर्तित 04:38, 25 मई 2016 का अवतरण ('{{KKGlobal}} {{KKRachna |रचनाकार=चन्द्रप्रकाश जगप्रिय |अनुवादक= |स...' के साथ नया पृष्ठ बनाया)
प्रेम सही में सब में पावन
तपला जेठो पर ज्यों सावन ।
उमड़ै छै घन-घटा गगन पर
नीचें धरती के नस सिहरै
चन्दन वन सें हवा बही केॅ
जंगल-सागर-गिरि पर विहरै
ई हेनोॅ पंक्षी जे उड़लोॅ
सीधे संरगोॅ पर जाय ठहरै,
प्रेम रहेॅ जों सचमुच सच्चा
शूलो लगै बिछावन !
तपलोॅ जेठोॅ पर ज्यों सावन ।
प्रेम, शिशिर में धूप गुलाबी
नागफनी पर फूले रं ही
बीच भँवर में आवी जाय जों
आपने चली केॅ कूले रं ही
लगै गुदगुदी जीवन भर ही
प्रेम वहा; कोय भूले रं ही
शरदो रितु सें बढ़ी केॅ लागै
प्रेम पिया रोॅ भावन ।
