भारत की संस्कृति के लिए... भाषा की उन्नति के लिए... साहित्य के प्रसार के लिए
गांधीजी के गाय / प्राण मोहन 'प्राण'
Kavita Kosh से
Rahul Shivay (चर्चा | योगदान) द्वारा परिवर्तित 22:09, 14 जून 2016 का अवतरण
गांधीजी के गाय
खूब दूहोॅ हो भाय
खुट्टा में बान्ही केॅ
गोड़ दोनों छानी केॅ
दहौ चुक्का लगाय ।
खूब पीयोॅ ऐंठी केॅ
कुर्सी पर बैठी केॅ
लाठी देखाय दीहोॅ
भागतै सी. बी. आय. ।
दिल्ली में पीयोॅ
बनारस में पीयोॅ
हजार बरस जीयोॅ
तों लाख बरस जीयोॅ
आबेॅ केकरोॅ परवाय ।
जें लेलकै आजादी
दै देलकै जान
भातोॅ लेली कलटै छै
भगत सिंह के माय ।
