भारत की संस्कृति के लिए... भाषा की उन्नति के लिए... साहित्य के प्रसार के लिए
करिया सुरुज / भुवनेश्वर सिंह भुवन
Kavita Kosh से
Rahul Shivay (चर्चा | योगदान) द्वारा परिवर्तित 02:35, 22 जून 2016 का अवतरण ('{{KKGlobal}} {{KKRachna |रचनाकार=भुवनेश्वर सिंह भुवन |अनुवादक= }} {{KKCa...' के साथ नया पृष्ठ बनाया)
जगतक सूरज करिया रहतै
तब तक घुप्प अन्हरिया रहतै
कवि के चाँद नुकैलोॅ रहतै
सरङोॅ में तिनडरिया रहतै
ध्रुवतारा केॅ कोय नै चिन्हतै
बाप-पूत सतलरिया रहतै
केकरो फसल घरें नै ऐतै
तब तक डाकू अरिया रहतै
रोज घोटाला-घपला बढ़तै
जब तक राज उधरिया रहतै
पढ़ला-लिखलां झिटकी चुनतै
अपराधी रोजगरिया रहतै
केकरो खेत नै जोतलोॅ जैतै
जब तक बरदा अड़िया रहतै
बिना जुगुत के चरखा चलतै
सरङगोॅ में रतपढ़िया रहतै ।
