खूब गावोॅ गीत / मतिकांत पाठक 'मधुव्रत'

• हिन्दी/उर्दू
• अंगिका
• अवधी
• गुजराती
• नेपाली
• भोजपुरी
• मैथिली
• राजस्थानी
• हरियाणवी
• अन्य भाषाएँ

मतिकांत पाठक 'मधुव्रत' »

Script

• Devanagari
• Roman
• Gujarati
• Gurmukhi
• Bangla
• Diacritic Roman
• IPA

खूब गावोॅ गीत/‘वन्दे मातरम् ।’
निपोरलें दाँत, जोड़लें हाथ/होय केॅ बेशरम ।
आजो धरती तेॅ/वहेॅ सुजलां-सुफलां
आरो मलयज शीतलां छै,
किंतु हे हो मीत,/तोरोॅ मोॅन
अन्हारोॅ सें भुलैलोॅ छौं ।
बन्द बोरिया में यहाँ/गेहूं गेलै पाताल ।
चैॅर, कोयलोॅ, बूंट/की-की गिनैहियौं ?
कहाँ केकरौॅ हाल ?
छूओॅ जेकरा/वहेॅ बेहाल ।
बात होय छौं बहुत उच्चोॅ
साथ तोरोॅ मोॅन कहाँ छौं ?
अहो अधिनायक/की तोरोॅ साथ
जन-गण-मन छौं ?
जहाँ तों छोॅ, वहाँ
धरती में शहीदोॅ रोॅ लहू नया छै ।
कभी तोरा याद आवै छौं ?
याद रोॅ की काम ?
चलौं वश तेॅ/गिली जा देश रोॅ माँटी ।
की भोरे-भोर/शामे-शाम
ताकै छोॅ मुकुर-मुकुर ?
हाथ सें ठोकोॅ करम ।
खूब गावोॅ गीत-
‘वन्दे मातरम् ।’