भारत की संस्कृति के लिए... भाषा की उन्नति के लिए... साहित्य के प्रसार के लिए
केकरा कहै छै कठिन / गणेश कुसुम
Kavita Kosh से
Rahul Shivay (चर्चा | योगदान) द्वारा परिवर्तित 08:34, 26 जुलाई 2016 का अवतरण ('{{KKGlobal}} {{KKRachna |रचनाकार=गणेश कुसुम |अनुवादक= }} {{KKCatAngikaRachna}} <poem>...' के साथ नया पृष्ठ बनाया)
जबतक कमर नै कसलोॅ छै, तभिये तक कठिनाई छै,
दुनिया में ऊ कोन काम छै, जे नैं करलोॅ जाय ।
जब तक कदम नै उठलोॅ छै, तभिये तक ऊँचाई छै,
दुनिया में ऊ कोन शिखर छै, जे नै छूलोॅ जाय ।
जब तक आँख नै खुललोॅ छै, तभिये तक अंधियाली छै,
अंधेरा के की विशाद, जे नै भागी जाय ।
जब तक नै लागालोॅ छै पाल, तभिये तक किनारा दूर छै
कोन मौसम छिकै उ, जैमें पार करलोॅ नै जाय ।
जें पीयै लेॅ चाहै छै, वैं समुद्रोॅ के समुद्र पीयै छै,
चाहला पर चांद-तारा भी घोॅर आबी जाय छै ।
कहना की, बस करना छै, कत्र्तव्य पथ पर डटना छै,
दुनिया में ऊ कोन शक्ति छै, जेकरा नैं हासिल करलोॅ जाय ।
