भारत की संस्कृति के लिए... भाषा की उन्नति के लिए... साहित्य के प्रसार के लिए
भूख केरोॅ रंग / वेद प्रकाश वाजपेयी
Kavita Kosh से
Rahul Shivay (चर्चा | योगदान) द्वारा परिवर्तित 08:57, 26 जुलाई 2016 का अवतरण ('{{KKGlobal}} {{KKRachna |रचनाकार=वेद प्रकाश वाजपेयी |अनुवादक= }} {{KKCatAn...' के साथ नया पृष्ठ बनाया)
लाल, हरिहर, पियर-
भूख केरोॅ अगर होतलय कोय रंग
कुच्छो, तनियो सन
तेॅ होतलय ।
गंगिया, फेंकना आरो बंगरा केरोॅ फगुआ
घनरी, बुधनी आरो ननकी केरोॅ वसन्त
मालिक
पक्का मकानोॅ में
गद्दा पर सुतलोॅ छै
आरा गंगिया केरोॅ पसीना
शुद्ध घी बनी केॅ
रसोय घरोॅ में
डबकय छै-मालिक पुआ खैतै
गंगिया भुखले रहतै
ई पंजा आरो गर्दन केरोॅ
खूनी ककहरा के
जब तक नै होतै अन्त
(तब तक)
नपुंसक छै सुरुज
आरो बाँझ छै
नकली रंगोॅ में रंगलोॅ ई वसन्त ।
