यो मेरो हठ / सुमन पोखरेल

• हिन्दी/उर्दू
• अंगिका
• अवधी
• गुजराती
• नेपाली
• भोजपुरी
• मैथिली
• राजस्थानी
• हरियाणवी
• अन्य भाषाएँ

सुमन पोखरेल » हजार आँखा यी आँखाम»

Script

• Devanagari
• Roman
• Gujarati
• Gurmukhi
• Bangla
• Diacritic Roman
• IPA

 

यो मेरो हठ हो हुनसक्छ दृढता हो
वेदना बाँधी नै राख्छु मनको गाँठो खोल्न सक्दिनँ
यो मेरो माया हो हुनसक्छ शिष्टता हो
तिम्रो भेद खुल्ला भनी आफ्नो पीर पोख्न सक्तिनँ

मनका तृष्णाहरूले आफैँलाई डसाइदिन्छु
आँसु प्यारो मलाई एक्लै खसाइदिन्छु
यो मेरो चाहना हो हुनसक्छ बहाना हो
तिम्रो खुसी फुट्ला भनि भीडमा आँसु झार्न सक्दिनँ

मेरो छेउ पनि बहार नआएको हैन
मायाले भिजेको जीवन पनि नबाँचेको हैन
यो मेरो रहर हो हुनसक्छ विवशता हो
तिम्रो कथा बोल्ला भनी आफ्नो अतीत लेख्न सक्तिनँ