गल्ती हजार हुन्छन् यहाँ होश हराएको बेला
एक्लै तिमी नआऊ म मातिएको बेला
यी मेरा हातहरूले कहीँ घात गर्न सक्छ,
अनि प्यारो गर्दागर्दै पाप पनि गर्न सक्छ
रूपको के मूल्य हुन्छ म पशु भएको बेला
एक्लै तिमी नआऊ, म मातिएको बेला
कहीँ धर्म गर्ने निहूँमा बलिदान हुन नपाओस्,
सम्पूर्ण अङ्ग बाँधी अत्याचार हुन नपाओस्,
मेरा कामनाहरूले मलाई हराई दिन्छ,
तिमीभन्दा तिम्रो यौवन कहीँ मनपराइदिन्छ
रक्षक मलाई नसम्झ, म राक्षस भएको बेला
एक्लै तिमी नआऊ, म मातिएको बेला