लुकूँ लुकूँ लाग्यो मलाई / किरण खरेल

• हिन्दी/उर्दू
• अंगिका
• अवधी
• गुजराती
• नेपाली
• भोजपुरी
• मैथिली
• राजस्थानी
• हरियाणवी
• अन्य भाषाएँ

किरण खरेल »

Script

• Devanagari
• Roman
• Gujarati
• Gurmukhi
• Bangla
• Diacritic Roman
• IPA

लुकूँ लुकूँ लाग्यो मलाई बादल जस्तो त्यो कालो केशमा
नाचूँ नाचूँ लाग्यो मलाई पिरतीको रङ्गिन देशमा

सेतो पाना चोखो मन दुवै मन छ तिम्रै गीत
निलो आकाश निलो खोला जताततै तिम्रो प्रीत
झुलूँ झुलूँ लाग्यो मलाई सुवास जस्तो हाम्रो मिलनमा
नाचूँ नाचूँ लाग्यो मलाई पिरतीको रङ्गिन देशमा

फूलभरि तिम्रो सुवास मौसमभरि तिम्रो सुवास
तनमा छायो मनमा छायो न्यानो न्यानो तिम्रो साथ
चुमूँ चुमूँ लाग्यो मलाई कुसुम जस्तो तिम्रो बदनमा
नाचूँ नाचूँ लाग्यो मलाई पिरतीको रङ्गिन देशमा

तिम्रो आँखा तिम्रो अधर लाग्छ मलाई मेरो नै हो
मेरो आँखा मात्रै किन सारा जीवन तिम्रै हो
डुबूँ डुबूँ लाग्यो मलाई सागर जस्तो तिम्रो नयनमा
नाचूँ नाचूँ लाग्यो मलाई पिरतीको रङ्गिन देशमा