भारत की संस्कृति के लिए... भाषा की उन्नति के लिए... साहित्य के प्रसार के लिए
छत्तीसगढ़ी बोली के महिमा / मुरली चंद्राकर
Kavita Kosh से
Dkspoet (चर्चा | योगदान) द्वारा परिवर्तित 22:44, 24 अक्टूबर 2016 का अवतरण ('{{KKGlobal}} {{KKRachna |रचनाकार=मुरली चंद्राकर |संग्रह= }} {{KKCatGeet}} <poem>...' के साथ नया पृष्ठ बनाया)
एकर महिमा ल सुन रे भैया, गा के तोला समझावौ हो
ऐसन छत्तीसगढ़ के बोली, के भेद ल कैसे बतावौ
गौरा गुडी के गीत, सुन जिया भहरा जथे
सुवा पड़की के राग, थपडी म मन ह बोधा जथे
खार ददरिया के ताना ल सुनके, रददा रेंगैया लजावे हो
ऐसन छत्तीसगढ़ के बोली…
अलगोजवा के ताना ल सुन के समधिन ह भड़क जथे
लगथे छाती में बाण आनी बानी के भड़त रहिथे
अंतस के कोनो गम नई पावे, मने मन मुसकाव हो
ऐसन छत्तीसगढ़ के बोली…
नरवा तरिया के गोठ, सुन सुन रददा पठल जथे
मैके ससुरे के गोठ सुन सुन जी ह मचल जथे
ऐसन बोली के गढ़ बर भैया, जम्मो के मन रधियावे हो
ऐसन छत्तीसगढ़ के बोली…
कुकुर कौंवा नइ बिसरे बाबू, अपन बोली अउ बात ल
जम्मो के मरजाद तोपाय हे, बोली के पुन परताप म
अमली के पेड़ म अमली फरथे, आमा कैसे देखावों हो
ऐसन छत्तीसगढ़ के बोली…
