भारत की संस्कृति के लिए... भाषा की उन्नति के लिए... साहित्य के प्रसार के लिए
म्हारै जीव री जड़ी / आशा पांडे ओझा
Kavita Kosh से
आशिष पुरोहित (चर्चा | योगदान) द्वारा परिवर्तित 01:58, 28 अक्टूबर 2016 का अवतरण ('{{KKGlobal}} {{KKRachna |रचनाकार=आशा पांडे ओझा |अनुवादक= |संग्रह=था...' के साथ नया पृष्ठ बनाया)
पुळक-पुळक
पाळणै झुलराई
झुलरातां-झुलरातां
पाळणै
जाणै कद हालण लागगी
गुडाळियां
हालतां-हालतां गुडाळियां
जाणै कद पकड़-पकड़ पल्लौ
म्हारै ओढणां रौ
ले लिया पगलिया
लैतां-लैतां पगलिया जाणै कद
रमण लागगी डूला-डूली
रमती-रमती डूला-डूली
जाणै कद बणीजण जाणै कद
बणीजती बणीजती जाणै कद
बंटावण लागगी म्हारो हाथ
बंटाती-बंटाती म्हारो हाथ
जाणै कद सीखगी
सगळा रीत-रीवाज
बरत-बार, तीज तिंवार
सीखतां-सीखतां
बरत-बार, तीज तिंवार
जाणै कद हुगी
इतरी स्याणी
सोचूं हूं बैठी
इण रै फेरां में
आ म्हारी धीेंवड़ी
म्हारै जीव री जड़ी।
