मेरो कविता / नरेश शाक्य

• हिन्दी/उर्दू
• अंगिका
• अवधी
• गुजराती
• नेपाली
• भोजपुरी
• मैथिली
• राजस्थानी
• हरियाणवी
• अन्य भाषाएँ

नरेश शाक्य »

Script

• Devanagari
• Roman
• Gujarati
• Gurmukhi
• Bangla
• Diacritic Roman
• IPA

युद्ध लड्न गएको मेरो कविता
मर्यो् वा बाँच्यो
केही खबर आएन,
म वृद्ध बाबु
छोरो विजेता भएर
फर्कने आशामा छु।
प्रेमको तृष्णामा हिँडेको मेरो कविता
कतै तन्नेरी मुटुमा घाइते भएर
अल्झ्यो कि ?
स्वाधीन बाँच्ने रहर गर्दै थियो,
छिमेकीहरूसँग समान बाँच्ने
इच्छा गर्दै थियो,
बाध्यताले
कतै परतन्त्रमै जकडियो कि ?
शान्तिको,
विकासको
आधारभूत आवश्यकताको पूर्तिको योजना
षड्यन्त्रको चक्रव्यूहमा फस्यो कि ?
युद्ध लड्न गएको मेरो कविता
मर्यो् वा बाँच्यो
केही खबर आएन,
 म वृद्ध बाबु
छोरो विजेता भएर
फर्कने आशामा छु।