चुप / बद्री पलिखे

• हिन्दी/उर्दू
• अंगिका
• अवधी
• गुजराती
• नेपाली
• भोजपुरी
• मैथिली
• राजस्थानी
• हरियाणवी
• अन्य भाषाएँ

बद्री पलिखे »

Script

• Devanagari
• Roman
• Gujarati
• Gurmukhi
• Bangla
• Diacritic Roman
• IPA

पख ।
नानु सुतेको छ
हल्ला नगर— चुप ।
परीकथा, भूतप्रेत र दन्त्यकथा भन्दै
थपथपाउँदै/गीत गुनगुनाउँदै
लट्ठी र हाउगुजी देखाएर
बल्ल–बल्ल नानुलाई सुताएकी छु,
 न्यानो गरी थाङ्नामा सुतेको छ ।
कोक्रो हल्लाउँदै/लहरी गाउँदै सुताएकी छु,
सुत्न देऊ
हल्ला नगर— चुप ।
ब्युँझियो भने रुन्छ/दुःख दिन्छ
पँधेरो गएकी छैन
छाक टार्न— चामल पैँचो माग्नु छ ।
रछ्यानमा छन्— थाल–बटुका
सबै जुठा छन्— भ्याएकी छैन
भोक टार्न— बनिबुतो गर्न गएकी छैन ।
धेरै कामधन्दा सिध्याउनु छ,
घर लिप्नु छ/चुलो पोत्नु छ
थुप्रै घरधन्दा थाती छ ।
पख ।
भर्खरै नानु सुतेको छ,
हल्ला नगर— चुप ।