भारत की संस्कृति के लिए... भाषा की उन्नति के लिए... साहित्य के प्रसार के लिए
फाटेको जून / देवान किराती
Kavita Kosh से
Sirjanbindu (चर्चा | योगदान) द्वारा परिवर्तित 09:13, 12 मई 2017 का अवतरण ('{{KKGlobal}} {{KKRachna |रचनाकार=देवान किराती |अनुवादक= |संग्रह=हु...' के साथ नया पृष्ठ बनाया)
पूर्णिमाको साँझ
फाटेको चोलीमा कुम देखाइन् उनले
मैले जून देखाएँ ।
तप्प–तप्प !
तप्कियो शीत
आँखाको कोर्नियाबाट जूनको
तापनि जून बलि नै रह्यो ।
जून !
क्षणक्षणमै छिप्पिरहेको थियो
जसरी उनको
चोली फाट्नुको आयतन बढिरहेको थियो
दिनदिनै र दिनदिनै ।
पुनः उनले जून हेरिन् र कुम
कुम हेरिन् र जून
र के सोचिन् कुन्नि ?
केही बोलिनन् उनी
पmाटेको जून सम्हाल्दै पसिन् याक्साभित्र ।
म आफ्नै जूनको शीतसँंग
जीवन खेलिरहेँ एकोहोरो
खेलिरहेँ एक्लै ।
