भारत की संस्कृति के लिए... भाषा की उन्नति के लिए... साहित्य के प्रसार के लिए
साहित्यको कुम्भ मेला / रमेश खकुरेल
Kavita Kosh से
Sirjanbindu (चर्चा | योगदान) द्वारा परिवर्तित 14:58, 15 मई 2017 का अवतरण ('{{KKGlobal}} {{KKRachna |रचनाकार=रमेश खकुरेल |अनुवादक= |संग्रह= }} {{KKC...' के साथ नया पृष्ठ बनाया)
आज साहित्यको कुम्भ मेला थियो
दीप नै लाख पर्ने बलेको थियो
ब्ल्याक लेभल् त खोलो बगेको थियो
शव्द बेपार राम्रै जमेको थियो ।
को कता को कता खूब चर्चा थियो
झुण्डपिच्छे कुनै एक झण्डा थियो
धेर यात्री थिए एक पण्डा थियो
भाउ मिल्ने कुरा मात्र चन्दा थियो ।
शव्दका पारखी भावका पारखी
मानका पौरखी हाटका पौरखी
मूल्यको मान्यता खूब चल्दै थियो
साँच्चिकै लेखनी चाहिं गल्दै थियो ।
भोजको मोजमा मातको खोजमा
बात बल्दै थियो हात मल्दै थियो
नोटको सामु साहित्य मर्दै थियो
शीत भै व्योमको आँसु झर्दै थियो ।
आज साहित्यको कुम्भ मेला थियो ।
