भारत की संस्कृति के लिए... भाषा की उन्नति के लिए... साहित्य के प्रसार के लिए
रबरको रोटी / टङ्क उप्रेती
Kavita Kosh से
Sirjanbindu (चर्चा | योगदान) द्वारा परिवर्तित 13:21, 21 मई 2017 का अवतरण ('{{KKGlobal}} {{KKRachna |रचनाकार= टङ्क उप्रेती |अनुवादक= |संग्रह= }} {...' के साथ नया पृष्ठ बनाया)
समस्त तेज गुमेपछि
रबरको रोटी बन्छ सूर्य
जसको कुनै अर्थ रहन्न
भोकाहरूलाई
मेरो आँगनमा पोखिन्छ भनेको सुन्तले प्रकाश
छुनै नसक्ने गरी क्षितिजमा पुगेको छ
टुक्रिएका सूर्यका घेराहरू
सिँउडी घारीमा फसेका छन्
उनिएका छन् मेरा यी सपनाका टुक्राहरू
सिँउडीका काँडाहरूमा
भत्किएको छ म उक्लिने सिँडी
ताज बनाएर जोगाएको थिएँ
मेरो सपना
भीषण द्वन्द्वबीच पनि
अहिले जोड्दैछु तिनका टुक्राटुक्रीहरू
र कठोर सङ्घर्ष बाँचिरहेछु
रबरको रोटी हुन नदिन
मेरो सपना ।
