पदमावती / विष्णु न्यौपाने

• हिन्दी/उर्दू
• अंगिका
• अवधी
• गुजराती
• नेपाली
• भोजपुरी
• मैथिली
• राजस्थानी
• हरियाणवी
• अन्य भाषाएँ

विष्णु न्यौपाने » जन्मभूमि »

Script

• Devanagari
• Roman
• Gujarati
• Gurmukhi
• Bangla
• Diacritic Roman
• IPA

उदयमा उनको अति हर्ष भो
सुजनका मनको भय दूर भो ।
वदनमा पनि कान्ति प्रकाण्डता
दिवसका रवि के अझ दीप्तता ।।
(१)
धवल त्यो तन स्निग्ध कलेवर
सलल बग्दछ प्यार मनोहर ।
अति सुखी जब ज्योतिष भन्दथे
दिन दिनै मतिले सुख चुन्दथे ।।
(२)
छरछिमेक सबै मनमुग्ध छ
तब त त्यो घरमा छ वसन्त छ ।
अजर नाम चुने कृति माण्डवी
तर सधैं भनियो पदमावती ।।
(३)
अधिक शान्ति भरेर स्वभावमा
सुरु भयो तिनको छवि साधना ।
असल जीवनकी सुप्रभावती
 गुण, कला भरिली पदमावती ।।
  (४)
म छु यहाँ अहिले उनकै शिशु
मन प्रफुल्लित बन्छ म पूर्ण छु ।
अनि सधैं ममता उनकै धरी
शिर समर्पित गर्दछु सामु परी ।।
(५)