भारत की संस्कृति के लिए... भाषा की उन्नति के लिए... साहित्य के प्रसार के लिए
दिल फगत् मैले चढाए थेँ / उपेन्द्रबहादुर 'जिगर'
Kavita Kosh से
Sirjanbindu (चर्चा | योगदान) द्वारा परिवर्तित 22:07, 1 जून 2017 का अवतरण ('{{KKGlobal}} {{KKRachna |रचनाकार=उपेन्द्रबहादुर 'जिगर' |अनुवादक= |स...' के साथ नया पृष्ठ बनाया)
दिल फगत् मैले चढाए थेँ नजर होला भनी
यो दरदले त्यो दर्दमा क्यै असर होला भनी ।
निर्दयी झैँ झन् हृदय टुकडा गर्यौस तरवारले
थाहा थिएन दर्दले तडपी हृदय रोला भनी।
एक म छु कि जुल्म सब हाँसी हाँसी सहिरहेछु
एक तिमी छौ कि दया गरछौ दगा होला भनी ।
एक म छु कि नजरको आँसु पनी साँचिरहेछु
एक तिमी माया बगाउने विरहको खोला बनी ।
फूलको काँढा पनि भमराको निम्ति चिज छ
छैन दृष्टि यो नजरमा विरहले छोला भनी ।
आँसु तक हुन्न निगाह हेर मेरो दुर्भाग्य यो
आँसुको जलले ‘जिगर’को विरह क्यै धोला भनी ।
