भारत की संस्कृति के लिए... भाषा की उन्नति के लिए... साहित्य के प्रसार के लिए
शुभकामना खाली खाली / नोर्देन रुम्बा
Kavita Kosh से
Sirjanbindu (चर्चा | योगदान) द्वारा परिवर्तित 19:31, 7 जून 2017 का अवतरण
शुभकामना खाली खाली दिनेलाई दानी भनेर
जाँदैछु लिएर आँचलभरि मायाको निशानी भनेर
पाप-धर्म कसको कति त्यो निसाफ तिमीले गर्नु
मायाको विश्वास ठूलो सानो सब माफ गर्नु
खुशी तिम्रो फर्काउन पनि म रोएर आज जादैछु
कुल्चे हुन्छ मेरो आँसुलाई अब मैला पानी भनेर
तिम्रो विश्वास पाउन म कति शूलीमा चढेँ
पहिरो गएर छातिमा आज मूलबाटोमा लडेँ
जित्नु केही थिएन हारेर आज जाँदैछु
घाम-छायाँको खेल हो यो जिन्दगानी भनेर
रचना : नोर्देन रुम्बा
स्वर : दावा ग्याल्मो
संगीत : बद्री दुर्गा खरेल
