भारत की संस्कृति के लिए... भाषा की उन्नति के लिए... साहित्य के प्रसार के लिए
खुद रो पतियारो कोनीं / उगामसिंह राजपुरोहित `दिलीप'
Kavita Kosh से
आशिष पुरोहित (चर्चा | योगदान) द्वारा परिवर्तित 17:10, 11 जून 2017 का अवतरण ('{{KKGlobal}} {{KKRachna |रचनाकार=उगामसिंह राजपुरोहित `दिलीप' |अनुव...' के साथ नया पृष्ठ बनाया)
खुद रो पतियारो कोनीं
दूजां माथे निजर राखां
घरां में आग लगै
पड़ोसियां रा राज राखां।
मीठा बोल किणीं नै ई बोलया कोनीं
जिबान माथै खार राखां
खुदरै गरज ही जणा दोस्ती राखी
काम पड़ियो भाईलै रै आज, मुंडो आपां मोड़ राखां।
खूजां में माळ कोणी
होठां माथै बातांळाख राखां
मायनूं मैळा घणा हां
पर बारै सूं साफ लागां।
करां कीं कोनी आपां
नैणां में सुपणां हजार राखां
बूढ़ा-बडेरां रो कोनी आपां मान राखां
लुगाइयां रै माथै आंखियां लाल राखां।
खुद रो पतियारों कोनीं
दूजां माथै निजर राखां
घरां में आग लागै
पड़ोसियां रा राज राखां।
