भारत की संस्कृति के लिए... भाषा की उन्नति के लिए... साहित्य के प्रसार के लिए
थळी रा संस्कार / राजूराम बिजारणियां
Kavita Kosh से
आशिष पुरोहित (चर्चा | योगदान) द्वारा परिवर्तित 20:59, 11 जून 2017 का अवतरण
छोरी
काची उमर में
भांडो काची माटी रो!
झींटाखोसी
बाळपणै-जुवानपणै बीच।
कमरे में काया
काया में मन
मन अधपाको
अधपाकी दीठ
दीठ भींत में
भींत में आरसी
आरसी में
मूरत रूप लेवता
विचार चोखा-माड़ा
देवै गरणैटा
भरै उडार
कमरै सूं आंगणैं
आंगणैं सूं थळी..!
पण ओ कांई..?
रोक्यो कुण
टोक्यो कुण
फिरîो कुण आडो
उंतावळै मन रै..
मा.!
बापू.!!
का फेर..
संस्कार थळी रा.!!!
