भारत की संस्कृति के लिए... भाषा की उन्नति के लिए... साहित्य के प्रसार के लिए
कांई थांको नांव / सतीश गोल्याण
Kavita Kosh से
आशिष पुरोहित (चर्चा | योगदान) द्वारा परिवर्तित 08:29, 14 जून 2017 का अवतरण ('{{KKGlobal}} {{KKRachna |रचनाकार=सतीश गोल्याण |अनुवादक= |संग्रह=था...' के साथ नया पृष्ठ बनाया)
अेक दिन सोचतां-सोचतां
सोचण लाग्यो,
बास री सगळी लुगायां
चावै बा काकी लागै
चावै बा ताई लगै, दादी लागै
बां‘रो कांई नांव है ?
आ, जाणन आरी कदै सोई ई कोनी!
परथावो हुंवता ईं बां‘री
कीं‘रै न कीं‘रै साथ जुड़गी
सगळा सूं पैलां बा हुई
ख्याली री बीनणी
बीं सूं पाछै बा बणी
सुरजै री घरआळी
अर छैकड़ बा बणी
बा ईंया ई बिना नांव रै
सुरगां सिधारगी
पण अजताणी बास में
बीं‘रो नांव, कुण ई नीं जाणै।
