भारत की संस्कृति के लिए... भाषा की उन्नति के लिए... साहित्य के प्रसार के लिए
चीर नदी के चिन्ता / अशोक शुभदर्शी
Kavita Kosh से
Rahul Shivay (चर्चा | योगदान) द्वारा परिवर्तित 10:41, 23 जून 2017 का अवतरण ('{{KKGlobal}} {{KKRachna |रचनाकार=अशोक शुभदर्शी |अनुवादक= |संग्रह=ज...' के साथ नया पृष्ठ बनाया)
हे भगवान !
की छल करी देनें छै
ई दुनिया ने
हमरोॅ सहेली सब केॅ
नोची लेनें छै
खून-माँस सब
ऊ सब देखै में लागै छै
कतनां खराब
कतनां वीभत्स
जेकरेॅ किनारा पर आवै छेलै लोग
सुबह-शाम, भोरे-भोर
हवा खाय लेॅ
टहलै लेॅ, घूमै लेॅ
आबेॅ की देखै लेॅ ऐतै लोग
कंकाल बनाय केॅ छोड़ी देनें छै
हमरा डर लागै छै
आपनेॅ ई सुन्दर बदन देखी केॅ
ई सुनहरा बदन देखी केॅ
पता नै
कबेॅ तक जान बख्सतै हमरा
ई दुश्टें सिनी।
