भारत की संस्कृति के लिए... भाषा की उन्नति के लिए... साहित्य के प्रसार के लिए
नै ऐलै पिया / अनिरुद्ध प्रसाद विमल
Kavita Kosh से
Rahul Shivay (चर्चा | योगदान) द्वारा परिवर्तित 11:36, 23 जून 2017 का अवतरण ('{{KKGlobal}} {{KKRachna |रचनाकार=अनिरुद्ध प्रसाद विमल |अनुवादक= |स...' के साथ नया पृष्ठ बनाया)
हमरा कही केॅ गेलै, नै ऐलै पीया !
सौनोॅ बीतलै, भादोॅ बीतलै,
पूस आरो माघोॅ के जाड़ोॅ बीतलै,
बीती गेलै यहेॅ रं ठहाका इंजोरिया !
पुरबा बहै छै, देहोॅ दुखाय छै !
पछिया ने पपरी ठोरोॅ पेॅ ओछाय छै,
जिय तरसाय गेलै कारी बदरिया !
मेघ अखारी घिरि-घिरि आबै,
तोरोॅ संदेशा पिया, हमरा सुनाबै,
ठनका सें डोॅर लागै, लपकै बिजुरिया !
सुरुजें भियानी असरा बन्हाबै,
निठुरा दुपहरियाँ जियरा जराबै,
भेलाँ निराश ताकी सँझकी डहरिया !
हमरा कही केॅ गेलै, नै ऐलै पीया !
