भारत की संस्कृति के लिए... भाषा की उन्नति के लिए... साहित्य के प्रसार के लिए
तिमीले बिर्से नि लाखै छ / गणेश रसिक
Kavita Kosh से
Sirjanbindu (चर्चा | योगदान) द्वारा परिवर्तित 09:07, 25 जून 2017 का अवतरण
तिमीले बिर्से नि लाखै छ
तिमीले सम्झे नि लाखै छ
जे हुनुथ्यो भइसक्यो
दुखसुख चल्दैछ
जीवनयात्रा हिंड्दै जाँदा दोबाटोमा हामी मिसियौं
एउटै चाहना भए पनि चौबाटोमा हामी छुट्टियौं
पराई सम्झे नि लाखै छ
आफ्नो सम्झे नि लाखै छ
जे बित्नु बितिसक्यो
जसो तसो चल्दैछ
आफ्नो बिगत सम्झेर मलाई आत्माग्लानि कति नै छैन
जानी नजानी मैले जे गरेँ पश्चाताप पनि मलाई छैन
सराप दिए नि लाखै छ
माया गरे नि लाखै छ
जति सहनु सहिसकें
केही नदेऊ लाखै छ
