भारत की संस्कृति के लिए... भाषा की उन्नति के लिए... साहित्य के प्रसार के लिए
मायाले मलाई विषै देऊ / गणेश रसिक
Kavita Kosh से
Sirjanbindu (चर्चा | योगदान) द्वारा परिवर्तित 09:09, 25 जून 2017 का अवतरण
मायाले मलाई विषै देऊ म निलकण्ठ भै पिइदिन्छु
जलनहरु बोकी छातीभित्र म सधैं तिम्रो भइरहन्छु
तिम्रो मायालाई सजाउन महल बनाउन म सक्तिन
झुप्रो भएको यो मनलाई डँढेलो लाउन म सक्तिन
बरु मलाई चोट देऊ अचानो भई सहिदिन्छु
यो दुखाइ बोकी छातीभित्र म सधैं तिम्रो भइरहन्छु
माया गरेर तिमीलाई पिंजडामा राख्न म सक्तिन
पँखेटा लागेको यो मनलाई उड्नलाई रोक्न म सक्तिन
बरु मलाई आँधी देऊ हिउँ पहिरो भई सहिदिन्छु
पिडाहरु बोकी छातीभित्र म सधैं तिम्रो भइरहन्छु
