भारत की संस्कृति के लिए... भाषा की उन्नति के लिए... साहित्य के प्रसार के लिए
बाबा ! चिट्ठी लिखै छी / कैलाश झा ‘किंकर’
Kavita Kosh से
Rahul Shivay (चर्चा | योगदान) द्वारा परिवर्तित 22:50, 25 जून 2017 का अवतरण ('{{KKGlobal}} {{KKRachna |रचनाकार=कैलाश झा ‘किंकर’ |अनुवादक= |संग्र...' के साथ नया पृष्ठ बनाया)
बाबा ! चिट्ठी लिखै छी, बाढ़-पीड़ित बनी कानी केॅ।
कइहो ना माय भवानी केॅ।
जखने घुसलै घर मेॅ पानी,
दर्दे गम के शुरू कहानी,
चिथड़ा-चिथड़ा कैलकै, धरती चूनर धानी केॅ।
भागलौं धीया-पूता के संग,
छत पर वर्षा कैलकै तंग,
हवा उडैने गेंलै सौंसे तानल पन्नी केॅ।
पड़रू हकरै चारा बिना,
सावन भादो के महीना,
होतै कोन व्यवस्था, आबेॅ सानी-पानी केॅ।
घर ते बसलो रहै उजड़लै,
पानी माथा सें गुजरलै,
बोलिहो बाँध नेपाली तोड़े लेॅ आड़वाणी केॅ।
केकरो राहत मिललै खूबे,
कोच-कोच नाव बिना भी डूबै,
कोच-कोच चन्दा खैलकै बड़का बेनर तानी केॅ।
