भारत की संस्कृति के लिए... भाषा की उन्नति के लिए... साहित्य के प्रसार के लिए
कागद अर रिसता / संजय पुरोहित
Kavita Kosh से
आशिष पुरोहित (चर्चा | योगदान) द्वारा परिवर्तित 17:05, 26 जून 2017 का अवतरण ('{{KKGlobal}} {{KKRachna |रचनाकार=संजय पुरोहित |अनुवादक= |संग्रह=था...' के साथ नया पृष्ठ बनाया)
रिसता भी होवै
फगत कागदी
ऊजळै गाभां में
हारता जूण री बाजी
बगत री थापां सूं
काळ रै धमीड़ा सूं
हो जावै बदरंग
अंतस में छापै
अनै लागै दरकण
कागद अर रिसता
एक टिल्लो फगत
बाढ़ देवै अर कर देवै मून
कीं नीं रैवै लारै
पड़या रैवै दोन्यूं
ऊंचै अटाळै में
बगत रै अटाळै में
जठै दोन्यां रो
कीं नीं होवै
अरथ अर मनोरथ।
