भारत की संस्कृति के लिए... भाषा की उन्नति के लिए... साहित्य के प्रसार के लिए
भाग आळी बीनणी / मोनिका शर्मा
Kavita Kosh से
आशिष पुरोहित (चर्चा | योगदान) द्वारा परिवर्तित 23:55, 27 जून 2017 का अवतरण ('{{KKGlobal}} {{KKRachna |रचनाकार=मोनिका शर्मा |अनुवादक= |संग्रह=था...' के साथ नया पृष्ठ बनाया)
सासरै री कांकड़ मांय पग धरतां ईं
नवीं बीनणी का भाग री बातां चालगी
चोभींती हेली की साळां रा
ओडालेडड़ा कुवांड़ां रै ओलै बी
बींका चोखा-बुरा पगफेरा री
घणी'ईं चरचा चाली
आंडै-बांडै सगळा बतळाया
बिकी तगदीर का लिख्योड़ा लेखां नै
बाँचबां को जतन घर-बार, गाँव गुवाड़ का
सगळा'ईं मिनख करियो
पण बातां तो हुई'ई कोनीं
बां गुण संस्कारां अर पोथी पानड़ां री
बीनणी री बी पढाई-लिखाई की
जिका गुणां नै हेरतां-हेरतां
सासरै आळा बीं का पीर का
फळसा ताणीं आ पूंच्या
अर बा बावळी बी दिन की कह्योड़ी
बातां नै सांची मान'र
ठाडा जतन सूं संभाळ'र
सागै बांध ल्याई
नवां रिस्ता-नातां री समझ
पुराणी पोथ्यां एक कलम
अर थोड़ी सी स्याई।
