भारत की संस्कृति के लिए... भाषा की उन्नति के लिए... साहित्य के प्रसार के लिए
सोनै री सांकळां / मोनिका शर्मा
Kavita Kosh से
आशिष पुरोहित (चर्चा | योगदान) द्वारा परिवर्तित 23:56, 27 जून 2017 का अवतरण ('{{KKGlobal}} {{KKRachna |रचनाकार=मोनिका शर्मा |अनुवादक= |संग्रह=था...' के साथ नया पृष्ठ बनाया)
पीर कै आंगणैं मांय
चिड़कली सी चिंचाती लाडली
मांडां तळै आंवतां'ईं
टाबरपणों छोड दियो
अर सात फेरा लेवतां'ईं
सुघड़ समझ आळी बीनणी बणगी
बणीं-ठणीं अर सिणगार कर्योड़ी
दरपण रै साम्हीं बैठ्योड़ी
जद घणां गौर सूं निरख्यो
बा आपारा रूप नैं, तो
अंतस मैं झांकणै लागी
फेर गिण-गिण'र बातां बिचारण लागी
तो बीं नैं बीं को ई रूप फीको सो लाग्यो
अर बा सोच्यो
कै आं सोना री सांकळां में
म्हारी मुळकती-ढुळकती
छिब कठै गमगी
सोवणां मंडाण आळा
गैणा-गांठी में बंधगो
म्हारो डील अर
आत्मा जाणै किण पासै
खिंडगी...।
