भारत की संस्कृति के लिए... भाषा की उन्नति के लिए... साहित्य के प्रसार के लिए
गांवां री हेल्यां / मोनिका शर्मा
Kavita Kosh से
आशिष पुरोहित (चर्चा | योगदान) द्वारा परिवर्तित 00:01, 28 जून 2017 का अवतरण ('{{KKGlobal}} {{KKRachna |रचनाकार=मोनिका शर्मा |अनुवादक= |संग्रह=था...' के साथ नया पृष्ठ बनाया)
गांवां मांय सूनी पड़ी हेल्यां
घणी ठाडी होय'र आपरी ठोड
ऊबी तो रैवैं
पण आं हेल्यां रो भाटो-भाटो
बरसां सूं
खोज काढतो डोलै
हेल्यां रा भींत अर आळया-दिवाळया
चौक अर गुवाड़-बाड़ां
चौबारा अर तिबारा
सगळा'ई अणगिणत
सुवाल करैं
बां मैं सूं आतो अंधारो
बीं गेलै आण-जाण आळां नैं
बूझतो रैवै अतो-पतो
बां मिनखां रो
जिका आं हेल्यां रा चौखट-चौबारां माळै
कदैई दीवा जोया करता
आंरा आंगणां मांय
च्यानणों भरता।
