भारत की संस्कृति के लिए... भाषा की उन्नति के लिए... साहित्य के प्रसार के लिए
कुण हो बो / अशोक परिहार 'उदय'
Kavita Kosh से
आशिष पुरोहित (चर्चा | योगदान) द्वारा परिवर्तित 00:21, 28 जून 2017 का अवतरण ('{{KKGlobal}} {{KKRachna |रचनाकार=अशोक परिहार 'उदय' |अनुवादक= |संग्रह...' के साथ नया पृष्ठ बनाया)
कुण हो बो
जिको लेयग्यो काढ'र
थांरो सो कीं
म्हारै भीतर ई भीतर
मच रैई है घरळ-मरळ
बा'रै फगत मून ई मून है
टूटग्यो लागै
सो कीं म्हारै भीतर
सोचूं, आ जूण सांवटीज ई नीं जावै
इण थाकेलै सूं
म्हूं चाल ई पडूं
हळवां-हळवां पांवडा मे'लतो
सोधण सारू बो कीं
जिको लेयग्यो कोई काढ'र
बण'र म्हारो हेताळू।
