भारत की संस्कृति के लिए... भाषा की उन्नति के लिए... साहित्य के प्रसार के लिए
मनोॅ के बात / अवधेश कुमार जायसवाल
Kavita Kosh से
Rahul Shivay (चर्चा | योगदान) द्वारा परिवर्तित 10:12, 28 जून 2017 का अवतरण ('{{KKGlobal}} {{KKRachna |रचनाकार=अवधेश कुमार जायसवाल |अनुवादक= |सं...' के साथ नया पृष्ठ बनाया)
केकरा कहियै मनोॅ के बात
जेकरा पुजलौं देवता सन हम्में
हुनिए देलकै एक आघात।
बचपन जिनकर गोदी खेलवौ,
जेहे कहलकै, वैसनै करलौं
हुनिये देलकोॅ छै बिसराय
कहतें-कहतें मनोॅ गेलोॅ लजाय।
आँखोॅ में लोर दिलोॅ में चोट।
बिन जल मछली लोटमपोट।
माइयोॅ मरलै, बापोॅ मरलै
तैय्योॅ ऐहनोॅ लोर न बहलै।
आय लागै छै, भेलोॅ अनाथ
पीर सुनोॅ हे भोलानाथ।
जाय केॅ हुनका दिहोॅ बताय
हुनके खातिर मरबै हहाय।
तैय्योॅ कहबै हुनकै ईश्वर
सर पटकै छी हम्में पत्थर पर।
