भारत की संस्कृति के लिए... भाषा की उन्नति के लिए... साहित्य के प्रसार के लिए
नेह रो अकाळ / मधु आचार्य 'आशावादी'
Kavita Kosh से
आशिष पुरोहित (चर्चा | योगदान) द्वारा परिवर्तित 15:44, 28 जून 2017 का अवतरण ('{{KKGlobal}} {{KKRachna |रचनाकार=मधु आचार्य 'आशावादी' |अनुवादक= |सं...' के साथ नया पृष्ठ बनाया)
उण सूं हो
नेह रो रिस्तो
सौ टका साच
पण
बात-बात पर देवणी पड़ती
सफाई
इण सूं आयगी रिस्तै माथै
लूंठी आंच
नेह मांय रेत
फेरूं कियां जींवतो रैवै
रिस्तै मांय हेत
आज रै इण जुग मांय
रिस्ता मांय पड़गी रेत
जीवण मांय घर करै-
नेह रो अकाळ।
