भारत की संस्कृति के लिए... भाषा की उन्नति के लिए... साहित्य के प्रसार के लिए
सुपना अर काळ / मधु आचार्य 'आशावादी'
Kavita Kosh से
आशिष पुरोहित (चर्चा | योगदान) द्वारा परिवर्तित 15:45, 28 जून 2017 का अवतरण ('{{KKGlobal}} {{KKRachna |रचनाकार=मधु आचार्य 'आशावादी' |अनुवादक= |सं...' के साथ नया पृष्ठ बनाया)
सुपना इज तो हुवै
जीवण रा आधार
इणी खातर रोज
आपां देखां बारम्बार
कीं बणण रो
कीं करण रो
कीं पावण रो
सुपनो अर सुपनो
पण
जद दुनिया साम्हीं आवां
खुद नै खाली हाथ पावां
नीं तो सुपना रैवै
नीं कोई रैवै सागै
सगळा देखतां ई भागै
सुपना पूरा करण खातर
पड़ जावै मिनखां रो अकाळ
अणचींत्यै बगत माथै ई
सुपनां नै खाय जावै
काळ।
