भारत की संस्कृति के लिए... भाषा की उन्नति के लिए... साहित्य के प्रसार के लिए
दिनकटी / दीनदयाल शर्मा
Kavita Kosh से
आशिष पुरोहित (चर्चा | योगदान) द्वारा परिवर्तित 08:20, 29 जून 2017 का अवतरण ('{{KKGlobal}} {{KKRachna |रचनाकार=दीनदयाल शर्मा |अनुवादक= |संग्रह=र...' के साथ नया पृष्ठ बनाया)
इस्कूल सूं
आंवतांईं
सात सालां रौ सोनू
बैठज्यै
घर री भींत माथै
अर
देखतौ रैवै
मा-बापूजी रै
आणैतांईं
आंतै-जांतै लोगां नै
अंधारौ हुयां पछै
बौ चल्यौ ज्यै
आपरै कमरै में
'होम वर्क' करतौ-करतौ
जद थक ज्यैै
तद
टीवी अर विडियोगेम
लागज्यै देखण
अर साथै-साथै
दूध पील्यै
अर सोज्यै
दिनुगै
मा-बापूजी
चल्या जावै
आप-आपरी ड्यूटी
अर सोनू
बस री खिड़की रै
कन्नै आळी सीट माथै
बैठ'र
इन्नै-बीन्नै
भाजतै लोगां नै
देखतौ
पूगज्यै आपरै इस्कूल
आथणगै
इस्कूल स
आंवतांईं
घरां बैठज्यै
घर री भींत माथै
अर देखतौ रैवै
बौ
मा-बापूजी रै
आणैतांईं
आंतै-जांतै लोगां नै।
