आपां होवां अेक / दीनदयाल शर्मा

आओ आपां
मायड़ भासा
राजस्थानी में
चोखी-चोखी
रचनावां लिखां

अळगी-अळगी
विधा में
नूंवैं सूं नूंवैं
ढंग में लिखां
पछै
सगळी भासावां में
आपां
सै' सूं मोटा दिखां।

आपां
आम आदमी नै बतावां
उणनै मानता री
बात समझावां

आम आदमी कन्नै
नीं है नेट
बीं रौ
खाली पड़्यौ है पेट

आपां
पेट री बात करां
आपां दु:ख बांटण री
बात करां
आपां घर में बात करां
पाड़ौसी सूं बात करां
गळी मौहल्लै बात करां
आपां सै' सूं बात करां

मानता सारू
आम आदमी है धूरी
इणनै जोडऩौ
भौत ही है जरूरी
आम आदमी
दिरावै 'हार'
आम आदमी
परावै 'हार'

आम आदमी
आपां नै
सै' सूं अळगा मानै
पैली ओ भेद मिटावां
पछै भासा माथै आवां

आपां होवां अेक
आपां नै कुण टोक सी
मानता देणी पड़सी
पछै कुण रोक सी।

कविता कोश रंगोली

रचनाकारों की सूची

टाइपिंग टूल्स

फ़ॉन्ट परिवर्तक

विधाएँ

संकलन

अनुवाद

काल-आधारित

लोकगीत

विषय

प्रादेशिक कविता कोश

अन्य महत्त्वपूर्ण पन्ने

दिक्चालन सूची

दर्शाव

वैयक्तिक औज़ार

आपां होवां अेक / दीनदयाल शर्मा

» संकलन

» अनुवाद

» विभाग

» प्रादेशिक कविता कोश

» अन्य महत्त्वपूर्ण पन्नें

खोज

साधन पेटी

इस पन्ने को शेयर करें

हमसे जुड़ें

कविता कोश

सर्वर होस्टिंग