भारत की संस्कृति के लिए... भाषा की उन्नति के लिए... साहित्य के प्रसार के लिए
आलोचक रै नांव / मदन गोपाल लढ़ा
Kavita Kosh से
आशिष पुरोहित (चर्चा | योगदान) द्वारा परिवर्तित 18:11, 9 जुलाई 2017 का अवतरण ('{{KKGlobal}} {{KKRachna |रचनाकार=मदन गोपाल लढ़ा |अनुवादक= |संग्रह=च...' के साथ नया पृष्ठ बनाया)
जद म्हारै सपनां में ई कोनी
तो कींकर हुवैला
म्हारी कवितावां में
मनभावता रंगील चितराम।
म्हैं पड़तख देखी है भूख
म्हारै च्यारूंमेर
न्यारै-न्यारै रूपां में
अर उगेरी है
भूख-राग
म्हारै हरफां में
बिना लाग-लपेट।
म्हनैं माफ करजै आलोचक!
पीड़ रै दस्तावेजां में
सोधणा बिरथा है-
शिल्प अर सौन्दर्य बोध।
