किन म अल्झिरहन्छु ? / हरिभक्त कटुवाल

• हिन्दी/उर्दू
• अंगिका
• अवधी
• गुजराती
• नेपाली
• भोजपुरी
• मैथिली
• राजस्थानी
• हरियाणवी
• अन्य भाषाएँ

हरिभक्त कटुवाल » यो जिन्दगी खै के जिन्दगी »

Script

• Devanagari
• Roman
• Gujarati
• Gurmukhi
• Bangla
• Diacritic Roman
• IPA

अहिले म फूल जस्तै हलुङ्गो छु जताततै
त्यसैले त हाँस्न सकेको छु काँडाहरुमा पनि
हिजो सपनामा म तामाकोसीमाथि पुल हालिरहेको थिएँ
आज बिपनामा भौँतारिरहेको छु सडकहरुमा ।

अचेल मलाई एक्लै पारेर बतासले पनि जिस्कयाउँछ
त्यस्तै बेला कहिले त आफ्नै छायाँले पनि तर्साउँछ मलाई
मेरो बाटो छेक्न उठेका पहाडहरुलाई
किन म आँधीले जस्तै नाघ्न सक्दिनँ  ?
किन म भैँचालाले जस्तै भत्काउन सक्दिनँ ?
किन म अल्झिरह्न्छु माकुराका जालहरुमा ?