मलाई नजरको ईशारा नदेऊ / दिनेश अधिकारी

• हिन्दी/उर्दू
• अंगिका
• अवधी
• गुजराती
• नेपाली
• भोजपुरी
• मैथिली
• राजस्थानी
• हरियाणवी
• अन्य भाषाएँ

दिनेश अधिकारी »

Script

• Devanagari
• Roman
• Gujarati
• Gurmukhi
• Bangla
• Diacritic Roman
• IPA

मलाई नजरको ईशारा नदेऊ
मलाई अधरको पुकारा नदेऊ
बरु आँसु देऊ, अँजुली म थापूँ
अँगालो फिँजाई कुनै लोभ नदेऊ

यो तृष्णाको नाता कति टिक्न सक्छ ?
यो शीतको बिहानी कति खेल्न सक्छ ?
तिमीमा जब यो मधुमास नहोला
तिम्रै हात म छोडूँ— के यो सह्य होला ?
यो प्रीतिको बन्धन कुनै खाल हैन
यो मन हो; बिकाऊ कुनै माल हैन

बटुलेर तिर्खा म कुन प्यास मेटूँ ?
अँधेरो जँघार यो कसोरी म हेलूँ ?
तिमी मस्किदिन्छ्यौ सबै मात पिएझैँ
सधैँ होस हराई म कुन बास भेटूँ ?
हो यात्रा यो जीवन, कुनै खेल हैन
यो मन हो; भदौरे कुनै भेल हैन